【#坚So推介】刺激消暑之旅！ 纽西兰皇后镇行程推介

天气咁热，留喺室内凉冷气已经唔够？不如考虑去南半球嘅纽西兰避暑啦！呢段时间纽西兰天气比较清凉，而且热门旅游地点皇后镇Queenstown，有好多自然景点，可以玩跳伞、滑索等极限运动，惊险刺激到令你心底一凉，可能有降温嘅效果添！????

想消暑降温，不试吓惊险刺激嘅高空滑索体验，可能会令你背后一凉！喺4条高空滑索上飞越森林，将瓦卡蒂普湖同周围山脉嘅壮观景色尽收眼底。成个滑索体验会由慢速开始，等大家比较习惯之后先慢慢提高速度。而且仲会有教练睇住大家，细胆嘅人都唔使太担心！

如果你钟意玩海洋公园嘅滑浪飞船，咁你一定会钟意呢个活动～你将会乘坐快艇，以每小时85公里嘅速度喺特欧瓦河上飞驰！快速穿过高耸狭窄嘅峡谷，更可能会体验360度旋转添！快啲约埋一班敢死队朋友，体验30分钟超刺激嘅快感！

另一个刺激嘅体验就系高空秋千！喺呢个行程中，你可以喺峡谷河流上方160米嘅高度，用每小时120公里嘅速度穿过峡谷！你仲可以坐住秋千向前向后摆动，增加刺激感，感受大自然清爽嘅风，为自己降温！

想降温其实唔一定要靠追求刺激嘅～想拣文静小小嘅活动，千祈唔好错过经典景点——冰吧！酒吧系由25 吨手工雕刻玻璃状冰建筑建成，充满纳维亚风格，好适合打卡。一边欣赏赏心悦目嘅冰雕艺术，一边品尝鸡尾酒，体验纽西兰嘅夜生活！